Hyseni priti në takim lamtumirës ambasadorin e Hungarisë në Kosovë

Prishtinë, 23 gusht - Ministri  i Punëve të Jashtme të  Kosovës, Skender Hyseni priti  sot në një  takim lamtumirës ambasadorin e  Hungarisë në Prishtinë  Zoltan Imecs. Gjatë këtij takimi, ministri Hyseni e falënderoi bashkëbiseduesin për bashkëpunimin e deritashëm dhe theksoi mes të tjerash se, po bëhen gjithë përgatitjet e duhura për përballjen me draft- rezolutën  serbe në Asamblenë e Përgjithshme të OKB-së. Ministri Hyseni, gjatë këtij takimi, po ashtu kërkoi nga Hungaria përkrahjen e vazhdueshme për
Kosovën, në të gjitha rrafshet me theks të veçantë  në mospërkrahjen e Hungarisë për
draft-rezolutën serbe në Asamblenë e Përgjithshme. Gjatë takimit, po ashtu
bashkëbiseduesit shfaqën përkushtimin e të dy palëve për thellimin e mëtejmë të
marrëdhënieve mes dy vendeve.