I gjithe Ballkani merr lajme te mira pervec nesh dhe Bosnjes

Vendet e rajonit me perjashtim te Bosnjes dhe Shqiperise e kaluan proven e radhes te Komisionit Europian dhe gjeten realizim te kerkesave te tyre ne vendet e rendesishme per integrimin qe u dhane dje ne Bruksel. Udheheqesja e rajonit Kroacia mori dje lajmin se ka permbushur negociatat e anetaresimit. Komisioneri Fule teksa beri dje prezantimin e arritjeve theksoi se ne Kroaci demokracia funksionon dhe te drejtat baze respektohen duke i dhene ketij vendi nje opinion pozitiv per sa i perket anetaresimit ne BE qe pritet te jete ne janarin e vitin e ardhshem. Mali i Zi nje vend fqinj i yni mori dje pergjigjen nga KE-ja se do ti hapeshin negociatat per anetaresim dhe komisioneri Fule deklaroi se ky vend kishte punuar shume per kete rezultat. Te njejtin rekomandim mori dje nga KE-ja edhe Maqedonia. Fqinjit tone lindor ju aprovua kerkesa per hapjen e negociatave per anetaresim ndonese ceshtja e pazgjidhur e emrit me Greqine pritet te sjelle probleme ne nje tjeter stad. Sipas Fules Maqedonia kishte ecur perpara me reformat duke theksuar se e vetmja pike problematike ne kete vend ngelej liria e medias. Serbia nje vend problematik ne te shkuaren per sa i perket raportit te saj me disa figura qe sot jane ne Hage mori nje pergjigje pozitive per sa i perket kerkeses se saj per statusin e vendit kandidat. Sipas komisionerit Fule marrja e statusit vjen pas progresit te bere me reformat por edhe per bashkepunimin e mire qe ka bere me Gjykaten Nderkombetare te Krimeve per dorezimin e disa figurave qendrore te krimeve te luftes. Por KE-ja ben te qarte se tashme me marrjen e ketij statusi Serbia duhet te rinise bashkepunimin dhe bisedimet me Kosoven. Nje lajm i mire per Kosoven ishte edhe nisja ne fund te ketij viti e negociatave me BE-ne per liberalizimin e vizave. Por per te qene pjese e negociatave per integrim Kosova duhet te njihet me pare nga te gjitha vendet anetare ne BE. Nga ana tjeter Turqia ndonese u konsiderua nje vend kyc per BE-ne u theksua se ende nuk kishte negociata mes paleve per anetaresimin e plote te ketij vendi. Sipas Fules ndalimi i negociatave mes Turqise dhe BE-se eshte nje shenje frustrimi tek te dyja palet dhe theksoi se ishte e udhes qe mes dy paleve te nisnin sa me shpejt bisedimet. Lajm te keq mori dje nga KE-ja Bosnje-Hercegovina per shkak se ngerci politik dhe institucional i ketij vendi nuk lejonte reformat qe kerkoheshin per BE-ne. Fule theksoi se ne kete vend duhet te merrte fund diskriminimi etnik dhe te ecej me siguri drejt rruges per ne BE.