"I thashe te mos ndertonte derisa te merrej nje vendim ligjor per token"

Fier- Gjykata e Fierit ka lene ne masen "arrest me burg" te dyshuarin per vrasjen e xhaxhait te prokurorit te Vlores. Perparim meskaj ka pranuar gjate zhvillimit te seances diten e djeshme se kishte qelluar disa here me arme ndaj 70 vjecarit Aliko Malaj pas nje konflikti pronesie te pazgjidhur prej vitesh nga autoritetet vendore. Ngjarja ndodhi kater dite me pare ne fshatin Pocem te komunes Klos ne Mallakaster. Seanca eshte zhvilluar nen masa te rrepta sigurie dhe nuk jane lejuar te hyjne brenda shume persona per te shmangur ndonje konflikt. Trupi gjykues kryesohej prej gjyqtarit Fatri Islami. Gjate marrjes ne pyetje, Merkaj ka pohuar se vrasja ka ndodhur pas nje debati. "Viktima po ndertonte ne kufirin e tokave qe jane ne pronesine time dhe te familjes Malaj. Une isha ankuar edhe ne komune, pasi kerkoja drejtesi, sepse toka me perkiste mua", eshte shprehur i dyshuari. Por pronesine e siperfaqes ku po ndertohej nje objekt e pretendonte edhe viktima. "Une i kisha thene qe te mos kryente ndertim pa u marre nje vendim ligjor, pasi do te ishte me e veshtire per ta prishur me pas. Veprimet e Alikos, si dhe fillimi i ndertimeve ne token qe une pretendoj, me beri qe te kryej vrasjen", ka pohuar Merkaj para trupit gjykues. Gjyqtari Islami, pasi ka degjuar fjalen e perfaqesuesit te akuzes per provat e siguruara, ka vendosur masen e sigurise "arrest me burg" deri ne perfundim te procesit.

Xhemil Beharaj

Krimi

I ndjeri Aliko Malaj u qellua per vdekje pasditen e se enjtes nga i dyshuari Perparim Malaj. Banoret e fshatit Pocem lajmeruan policine, e cila pas postblloqeve te ngritura kapi afer shtepise 45-vjecarin, bashkefshatar me viktimen. Gjate ndalimit eshte sekuestruar edhe arma e krimit, pistolete tip "TT".