"I thera, se me ngacmonin gjithnje"

Vlore- Ngacmimet e shpeshta ne rruge dhe kur dilte ne ballkonin e shtepise, jane deklaruar si shkaqet e tragjedise se ndodhur ne Vlore, te enjten e kaluar, kur ish-futbollisti i Flamurtarit, Agim Bubeqi, dyshohet se vrau nje 26-vjecar dhe plagosi kater te rinj te tjere me thike. Megjithese nuk ka thene asnje fjale gjate mases se sigurise te zhvilluar mengjesin e djeshem ne Gjykaten e Faktit, prokurori i ceshtjes lexoi per trupin gjykues te gjithe deshmine e ish-futbollistit te viteve 80-te, pas arrestimit. I penduar per krimin, 50-vjecari ka rrefyer arsyet qe e cuan deri ne krim. Gjyqtari Hektor Sinani, ka dhene ne perfundim te seances "arrest me burg" per te akuzuarin, pasi ky refuzoi te fliste. Trupi gjykues ka marre parasysh kerkesen e bere nga perfaqesuesi i akuzes. Sipas prokurorise, gjate marrjes ne pyetje, Bubeqi eshte shprehur se vrasja ndodhi pas ngacmimeve me fjale e shikime. "I sulmova se me ngacmuan kur kalova, nuk kam dashur t'i vras dhe nuk mbaj mend se cfare kam bere apo rrethanat e plota te ngjarjes. Di vetem qe me kane ngacmuar personat qe ishin tek lokali kur kalova dhe kur rrija ne ballkon", ka deshmuar i dyshuari. Agim Bubeqi, akuzohet vrasjen e Edmon Gucit, 26 vjec dhe plagosjen e Juljan Islamaj, 27 vjec, Enjard Nuraj, 21 vjec, Gezim Bardhaj, 40 vjec dhe Isa Brahimaj, 28 vjec. Te mbijetuarit rrefyen se nuk e kishin ngacmuar Bubeqin, por se po bisedonin per ndeshjen Flamurtari-Madheruell, e vlefshme per Ligen e Evropes.

O. Hila