I vene flaken shkolles, e mbushin me vizatime porno

Nje zjarr i fuqishem ka perfshire ambientet e shkolles se mesme te pergjithshme "Gjergj Kastrioti" ne qytetin e Durresit. Flaket jane konstatuar rreth ores 03:20 te mengjesit te djeshem. Nje mesuese, e cila banon prane shkolles, ka njoftuar Policine per Mbrojtjen nga Zjarri dhe Shpetimit dhe drejtorin e shkolles, Maksim Bonjaku. Alarmi solli ne vendngjarje nje skuader zjarrfikese, nje grup ekspertesh te policise dhe drejtorin e shkolles. Burime nga policia vendore thane se "si pasoje e zjarrit jane shkaktuar deme ne sistemin elektrik te katit te dyte e te trete, deme materiale ne sallen e mesuesve si dhe ne fasadat e katit te dyte e te trete". Ekspertet e policise bene keqyrjen e vendit te ngjarjes per disa ore me radhe, pasi erresira nuk lejonte marrjen e te gjitha provave materiale. Burime nga zjarrfikesit thane se vatra e zjarrit ndodhej ne sallen e mesuesve ne katin e dyte te godines. Zjarri ka djegur gjithcka ne kete salle, dollapet, tavolinat e drurit dhe karriget plastike, nderkohe qe edhe ne katin e trete jane shkaktuar deme ne dritaret dhe fasaden e jashtme. Nga zjarri eshte demtuar edhe rrjeti elektrik i godines katerkateshe, ndersa jane shkrire edhe kasat prej duralumini te dritareve. Policia tha se dyshohet qe autoret, ndoshta nxenes te kesaj shkolle, kane hyre naten nepermjet hekurave te dritareve te katit te pare dhe kane depertuar ne godine, duke shperthyer nje dritare ne katin e dyte. Pasi i kane vene zjarrin salles se mesuesve, ata jane ngjitur edhe ne katin e trete dhe kane mbushur muret e korridoreve me vizatime pornografike te bera me "spray". "Ishin shkrime dhe vizatime te turpshme, pothuajse "hard", beri te ditur nje nga mesuesit qe preferoi te mbetej anonim. Mesuesit dhe nxenesit, qe kane mberritur mengjesin e djeshem, jane perballur me pranine e efektiveve blu, te cilet nuk i kane lejuar te hyjne ne shkolle. Ne mengjes eshte vendosur qe te mos behet mesim, vendim qe eshte marre ne bashkepunim me Drejtorine Arsimore Rajonale. Nderkohe jane thirrur me urgjence muratore, elektriciste dhe bojaxhinj, per te rikthyer godinen ne gjendje normale. Burime nga policia vendore bene te ditur se jane marre ne pyetje dhjetera persona, nder ta mesues dhe nxenes, te cileve u eshte kerkuar nese kane dyshime per autoret e mundshem.

Drejtori: Dyshojme te nxenesit mbetes

Drejtori i shkolles "Gjergj Kastrioti", Maksim Bonjaku, ka bere te ditur se autoret e kesaj ngjarje dyshohet te jene nxenes te kesaj shkolle qe kane pasur qellim djegien e regjistrave. Ai dhe mesues te tjere te shkolles dyshojne se rasti ka te beje me nxenes mbetes, te cilet kane menduar se duke djegur regjistrat, mund te perfitojne qe te kalojne vitin shkollor qe eshte drejt perfundimit. "Zjarri nuk ka bere dem ne dokumentacionin e shkolles, pasi regjistrat dhe materiale te tjera, nuk ndodheshin ne sallen e mesuesve", tha ai. Ato ishin te depozituar ne dhomen e sekretarise, e cila ka dyer hekuri. Bonjaku ka shtuar se shkolla duhet te ruhet naten me roje dhe ka kerkuar par dy javesh nga Drejtoria Arsimore qe te gjendet nje mundesi per kete problem.

K.Jaupi