Tragjedia e Gerdecit, neser rekursi per Mihal Delijorgjin

Biznesmeni Mihal Delijorgji, i pandehur per tragjedine e Gerdecit me 15 mars, meson diten e neserme fatin per rekursin qe ka bere ne Gjykaten e Larte. Avokati mbrojtes ka depozituar kerkesen pas vendimit te Apelit, qe la ne fuqi masen "arrest me burg" te dhene nga Gjykata e Tiranes. Neser ne oren 09:00, ne Gjykaten e Larte do te zhvillohet edhe procesi gjyqesor per rekursin e mases se sigurise ndaj te pandehurit Mihal Delijorgji, administratorit te firmes "Alba Demil", dhe Dritan Minxhollit, drejtor teknik i punimeve ne fabriken e demontimit te Gerdecit. Sipas pales mbrojtese vleresimi i mases se sigurise se ndalimit nga ana e dy shkalleve te tjera eshte e pabazuar ne ligj dhe e pamotivuar. Ky fakt argumentohet duke vene ne dukje se organi i akuzes ne seancen gjyqesore nuk ka treguar se cilat kane qene provat dhe shkaqet e ndalimit te dy te dyshuarve. Ne seancen gjyqesore qe do te zhvillohet diten e neserme, pritet qe mbrojtja t'i kerkoje kolegjeve te bashkuara edhe aktin qe akuza nuk i ka paraqitur shkaqet e rrezikshmerise se Minxhollit dhe Delijorgjit. Sipas avokatit, dy klientet kane qene ne dispozicion jo vetem te Shtabit te Pergjithshem, por edhe Shtabit te Emergjences si dhe prokurorise, diten e tragjedise, me 15 mars te ketij viti. "Akuza deri me sot ka paraqitur si prova te saj kunder dy te pandehurve Delijorgji dhe Minxholli, procesverbalet e keqyrjes se kufomave te ndodhura ne morgun e spitalit mjekoligjor, deklarimet e punetoreve te fabrikes, si dhe te banoreve perreth, kopje te kontratave te shoqerise "Alba Demil" dhe asnje prove qe provon akuzen", thote avokati Arben Prifti.

R.Caushaj

Akuzat per dy drejtuesit e firmes

Mihal Delijorgji dhe Dritan Minxholli akuzohen nga ana e prokurorise per tragjedine e Gerdecit, 15 mars te ketij viti ne te cilen humben jeten 26 persona dhe u plagosen me shume se 300 te tjere. Sipas akuzes, dy te pandehurit kane permbushur vepren penale "shkeljes se rregullave mbi lendet plasese, djegese dhe radioaktive".