INSTAT: Ekonomia, rritje me 3.8% ne fundvitin e kaluar Eglantina Nasi
Ekonomia shqiptare, ka vijuar ta permbushe parashikimin e autoriteteve zyrtare per trendin e saj rrites gjate fundvitit te kaluar. Duke shenuar saktesisht nje rritje ne nivelin prej 3.8%, ajo ka qendruar ne fakt edhe brenda parashikimeve te bera rreth saj nga instancat nderkombetare si Banka Boterore apo Fondi Monetar Nderkombetar. Nje fakt i tille pozitiv, u komunikua dje nga Instituti i Statistikave, permes publikimit te raportit te ri per Prodhimin e Brendshem Bruto gjate 3-mujorit te katert te vitit 2011. "Ne teresi, viti 2011, mbeshtetur ne informacionet tre-mujore shenoi per ekonomine nje rritje prej 3.1%, krahasuar me vitin e meparshem 2010", citon konkretisht ky raport. Duke saktesuar me tej, se trendi rrites i PBB-se eshte vene re edhe ne krahasim me tre-mujorin pararendes te vitit te kaluar, edhe pse me nje nivel te ulet, vetem 0.1%. Ndersa sa i perket ndarjes sektoriale te ekonomise totale, ekspertet e Institutit te Statistikave pohojne se tregtia, sherbimet, ndertimi, bujqesia apo transportet, kane shenuar qe te gjitha nje rritje te ndikimit te tyre ne PBB-ne kombetare gjate 3 muajve te fundit te vitit te kaluar. Gje e cila ne fakt, duket se nuk ka ndodhur aspak me sektorin e industrise, per te cilin ata japin shpjegimin se ajo ka ndier ne menyre me direkte efektet e krizes rajonale financiare, e kjo per shkak te shkembimeve apo marrjes se lendes se pare jashte vendit. Gjithmone duke iu referuar te dhenave te raportit me te fundit te INSTAT per Prodhimin e Brendshem Bruto, rezulton se "grupi i industrive pati renie ekonomike me 7.8% ne 3-mujorin e katert te vitit 2011, krahasuar me te njejten periudhe te vitit 2010". "Ndersa krahasuar me tremujorin e trete te vitit 2011, industria shenoi nje renie e cila llogaritet me nivelin prej 5.8%", citon mes te tjerash ai. Sipas eksperteve te Institutit te Statistikave, ne ecurine jo pozitive te ketij sektori, duket se ka ndikuar edhe prodhimi i energjise elektrike, i cili ka qene i cunguar per shkak te thatesires qe preku vendin gjate asaj periudhe, gje qe solli si pasoje edhe rritjen e detyrueshme te importimit nga jashte te ketij produkti jetesor.