INSTAT, rënia e shitjeve uli shifrat e punësimit

INSTAT bënë të ditur se në 6- mujorin e parë të 2011 indeksi i shitjeve me pakicë pësoi rënie në 6-mujorin e parë. Sipas statistikave rënia më e dukshme ishte në 3mujorin e parë të vitit.

Sipas treguesve të INSTAT, rënia e konsumit filloi në muajin shkurt 2011. Krahasuar me të njëjtën periudhë të vitit paraardhës, indeksi i volumit të shitjeve në tregtinë me pakicë është ulur 6.9% dhe krahasuar me tremujorin e parë u rritën 1.9%, njofton INSTAT.

Rënien më të madhe në 3-mujorin e parë e pësoi sektori i pajisjeve shtëpiake me 21% më pak shitje. Treguesit pësuan përmirësim në 3-mujorin e dytë ku vërehet se konsumatorët i janë rikthyer disi normalitetit, me përjashtim të mallrave që konsiderohen të luksit, të cilat vijuan të shiten më pak.

Sipas INSTAT rënia e shitjeve këtë 6-mujor preku punësimin në sektorin e tregtisë me pakicë. Indeksi i punësimit në Tregtinë me pakicë, në tremujorin e dytë të këtij viti, arriti 170.1 për qind kundrejt vitit bazë (2005=100) dhe krahasuar me të njëjtën periudhë të vitit 2010, u ul 1.1%, bënë të ditur instituti i statistikave.