ISHP: Qytetaret te klorinojne depozitat

Specialistet e Higjienes ne Institutin e Shendetit Publik u kane bere apel qytetareve qe te klorinojne dhe pastrojne depozitat vetjake te ujit, sidomos tani ne sezonin e veres. Kjo sepse ne fund te tyre depozitohen mbetje dhe baktere te shumta. Sipas specialisteve, keto depozita duhet te kene forme ovale, pasi pastrohen me mire, nderkohe qe edhe perberja e materialit te tyre duhet te jete e tille qe te mos ndryshoje cilesine e ujit. "Ne te gjitha tarracat e pallateve apo bodrumet jane instaluar depozitat e ujit, por ne kete periudhe eshte shume e rendesishme qe ato te klorinohen dhe te pastrohen, pasi mund te behen shkak i shperthimit te epidemive te ndryshme", eshte shprehur specialistja e ISHP-se, Valbona Bare. Sipas saj, ndonese uji klorinohet, ne fundet e ketyre depozitave jane grumbulluar shtresa dheu, qe mbartin lloje te ndryshme mikrobesh. Ne pallatet e vjetra, pastrimi i depozites eshte individual, por serish qytetaret i pastrojne rralle, duke u justifikuar se ujin e tyre nuk e perdorin per te pire. Nga ana tjeter, me shume problem jane depozitat e medha te pallateve, te cilat jane instaluar ne katet e nendheshme dhe askush nuk i pastron. Per kete arsye, Drejtoria e Higjienes i keshillon qytetaret qe te pastrojne depozitat nje here ne dy muaj, pasi rrjeti i amortizuar dhe mungesa e ujit per disa ore, ben qe tubacionet gjate prurjeve te marrin me vete papasterti ne siperfaqe, duke i cuar ne depozita.

6 Here Ne vit keshillohet nga Drejtoria e Higjienes pastrimi i depozitave te ujit, qofshin keto individuale apo te perbashketa per nje pallat. Kjo pasi prurjet e ujit marrin me vete edhe sasi dheu qe permban mikrobe