Ibra: Do të qëndroj tek PSG-ja. Emiri: Do të shkruajë histori në Francë

“Ibrahimovic dëshiron të bëjë historinë tek PSG-ja e është i lumtur këtu. Kam lexuar që shumë prej lojtarëve do të donin të shkonin larg, Thiago Silva, Zlatan Ibrahimovic, Verratti…Por ju i keni parë si festuan pas fitores së Ligue 1? Festuan sikur ata të kishin fituar Kupën e Botës”.

Kështu u shpreh me pak fjalë, Nasser Al-Khelaïfi, i cili  blindoi Ibrahimoviç-in dhe lojtarët e tjerë të PSG dhe ngriti ambiciet e klubit parizian:

“Unë jam i lumtur dhe krenar, Ibra më tha se ai dëshiron të vijojë me ne dhe ai dëshiron të bëjë historinë e PSG-së. Unë ju garantoj, se të gjithë këta lojtarë që ne po flasim janë shumë të lidhur me klubin dhe do të jenë këtu sezonin e ardhshëm”.- tha presidenti.

Futbollisti suedez, Ibra tha nëpërmjet faqes zyrtare të klubit, se donte të konfirmonte vendimin e tij për të qëndruar në Paris: “Është e vërtetë, ka shumë njerëz që më pyesin në lidhje me të ardhmen time- tha golashënuesi më i mirë në Ligue 1- Por unë kam edhe dy vjet më shumë në kontratën time këtu dhe kompania vazhdon të rritet dhe të bëhet gjithnjë e më e madhe. Personalisht, unë ndjehem pjesë e projektit dhe unë shpresoj që klubi të vazhdojë në këtë proces të rritjes… Unë mendoj se do të qëndroj dhe të bëj pjesë në të”.