Ibrahimovic humb Interin 3 jave pezullim

Zlatan Ibrahimovic do të mungojë në derbin kundër Interit, pasi Komisioni i Disiplinës i Federatës Italiane të Futbullit (FIGC) e pezulloi me tre javë, pas gjestit të tij antisportiv në ndeshjen me Barin.

Në ndeshjen e zhvilluar të dielën, suedezi goditi në stomak një mbrojtës të Barit dhe u përjashtua nga loja me karton të kuq, por gjesti i tij u gjykua si antisportiv dhe u vendos që ndëshkimi të rëndohej më tej.

Milani ka vendosur të apelojë ndaj vendimit. Nëse ai nuk do të ndryshojë, Ibrahimovic do të humbë ndeshjet me Palermon, Interin dhe Fiorentinën.