Ilacet, 10% TVSH, cmimi nuk ndryshon Sonila Isaku
Cmimet e barnave nuk do te rriten per pacientet pas vendosjes se TVSH-se ne masen 10 per qind. Ky eshte saktesimi qe bejne ekspertet e shendetesise pas marrjes se vendimin per vendosje te TVSH-se tek ilacet. Kjo pagese do te perballohet nga vete grosistet, te cilet sjellin medikamentet ne Shqiperi, por nuk do te ndikoje ne rritjen e cmimit. Deri me sot si farmacistet ashtu edhe pacientet kane qene te paqarte per kete pjese, nderkohe qe drejtues ekonomike ne Ministrine e Shendetesise tregojne si do funksionoje kjo skeme.
TVSH
Qe nga viti i kaluar edhe per ilacet eshte menduar vendosja e Tatimit mbi Vleren e Shtuar (TVSH). Ekspertet e shendetesise pohojne se nuk do te kete rritje te cmimit, pavaresisht se te jepet pershtypja se ku ka nje TVSH, ka rritje te cmimit. "Ministria e Financave mendon qe ne cmimin e barnave ka shume gjera qe nuk shkojne. Kemi cmime te kondicionuara, rezulton qe cmimet e barnave jane te pa sakta. Ne jemi importues te ilaceve ku 180 milione dollare mendohet te jete turn-overi i ilaceve. Ketu futen mbi 20 milion dollare ne sektorin publik, rimbursimi i shtetit eshte 60 milione, dhe pjesa tjeter vjen nga kontributi i shqiptareve me leke ne dore. Ne barnat ka pasur abuzime per sa i perket cmimeve. Duke vene TVSH-ne ato do te futen me cmime me te uleta", ka pohuar drejtori Ekonomik ne Ministrine e Shendetesise, Saimir Kadiu. Sipas tij, vendosja e TVSH-se pritet te sjelle nje rregullim te tregut te barnave.
Cmimi
Shqiperia njihet si nje nga vendet me cmime te larta per sa i perket barnave. Sipas eksperteve te fushes kjo vjen per shkak se ne jemi nje vend importues dhe jo prodhues. Te gjitha barrierat e sjelljes se barnave ne vendin tone bejne qe te kete nje rritje te cmimit te tyre. Nderkohe qe vete grosistet gjate ketyre viteve te fundit kane pohuar se rritja e valutes, sidomos e euros ka ndikuar ne rritjen e cmimit te barit. Nderkohe per sa u perket medikamenteve te cilet jane ne listen e rimbursimit dhe pesojne rritje te cmimit, atehere rritet vlera e rimbursimit dhe jo vlera e pageses shtese qe mund te beje pacienti.
Shqiperia, ilace edhe jashte listes se miratuar
Ne farmacite e vendit sidomos ne kryeqytet rrallehere te ndodh qe te mos e gjesh nje medikament, kjo per vete faktin se grosistet disponojne nje numer te madh te medikamenteve. Por pervec atyre ilaceve te cilet jane te miratuara nga Ministria e Shendetesise, shume here te rastis te gjesh edhe barna te paregjistruara dhe qe hyjne kontrabande. Farmacistet kujdesen shume per t'i "rregulluar" keto ilace ne menyre qe t'u shpetojne kontrolleve qe kryejne inspektoret e Qendres se barnave, madje disa here duke i mbajtur edhe ne makina kur nuk kane nevoje per frigorifer. Por nje studim i kryer se fundmi ne Amerike, ka treguar se disa nga ilacet jane te demshme dhe duhet te merren vetem me rekomandimin e mjekut. Keto barna qe sipas nje studimi te fundit kane efekte anesore shume here me te medha sesa semundja qe sherojne jepen zyrtarisht me receten e mjekut por sikurse shume gjera ne vendin tone shpeshhere mund te merren edhe direkt nga farmacisti. Ilacet e "ndaluara" nga studimi gjenden edhe ne farmacite e Tiranes me cmime te larta. Keto ilace merren vetem me recete pas pershkrimit nga mjeku dhe jane kryesisht per dhembjet e kokes, spondeliartrozen, problemet me stomakun dhe kanalet e hundes.