"Te ulen cmimet e perdoruesit te telefonave celulare"

Ministri per Inovacionin e Teknologjine e Informacionit e te Komunikimit Genc Pollo zhvilloi dje nje takim me drejtoret e kompanive mobile "AMC", "Vodafone", "Eagle" dhe "Plus", per te diskutuar mbi vezhgimin e tregut mobil, te realizuar nga nje kompani britanike me porosi te AKEP-it. Studimi tregon per marzhe fitimi teper te larta ne vendin tone dhe rekomandon uljen e tarifave te shumices. Ministri i Inovacionit Pollo, u tha drejtoreve te kompanive se pas vendimit te AKEP-it, ne shkurt 2011 do te pritej qe kjo ulje e tarifave, te reflektohej edhe tek cmimet e perdoruesit. Cmimet e larta te sherbimeve, ministri Pollo i ka shtruar si shqetesim prej disa kohesh. Ai deklaroi pak kohe me pare se ato ishin skandaloze dhe se lypsej ulje e cmimeve te sherbimeve per perdoruesit e telefonave celulare. Nga ana tjeter, futja ne treg e kompanise se kater celulare "Plus" pritet te ndikoje ne mase te konsiderueshme ne nje ulje te cmimece. Ne pranveren e ketij viti, ato pritet te pesojne ulje ne masen 30 per qind, duke ndikuar hyrja ne treg e operatorit te katert celular, ofrimi i sherbimit te portabilitetit te numrit si dhe ulja e tarifes se interkonjeksionit drejt kostos. Nisma e AKEP per uljen e tarifave te telefonise celulare eshte mbeshtetur edhe nga Ministri i Inovacionit Genc Pollo. Keshtu, ai ka kerkuar nga operatoret celulare qe te jene bashkepunues ne menyre qe ulja e pritshme e tarifave te terminimit, te shoqerohet me uljen domethenese te cmimeve te perdoruesit.