Ilacet, Kosova: Kujdes nga nderrimi i paketimeve Sonila Isaku

Ne Shqiperi nje pjese e ilaceve nuk jane ashtu sic tregtohen, pasi atyre u nderrohen paketimet duke i shitur si patenta apo te ardhura nga vendet perendimore, nderkohe qe jane prodhim xhenerik. Ky fakt eshte bere i ditur nga Ministri i Shendetesise Halim Kosova i cili ka theksuar se sektori farmaceutik ne vend ka probleme qe kerkojne zgjidhje emergjente. Sipas kreut te shendetesise, gjate nje takimi me grosiste dhe perfaqesues te ketij sektori, jane konstatuar fakte per abuzime, ne importin e medikamenteve, ne kohen e regjistrimit te ilaceve ku per subjekte te ndryshme ky afat ndryshon nese paguan nen dore, por edhe ne ate te ambalazhimit. Ministri Halim Kosova tha se keto shkelje duhet te marrin fund dhe se do te intensifikohen kontrollet. “Ka firma qe per dy jave mund ta marrin lejen e importit, ka firma qe mund te ngelet leja e importit nje vit e me shume dhe nuk e marrin per hir se ndonje dhe mund te paguaj diku te stopohet konkurrenca. Mungesa e konkurrences jo vetem ne sektorin shendetesor po kudo con tek pacientet cmime te larta",- tha Halim Kosova, Minister i Shendetesise. Por probleme sipas Ministrit Kosova, ka dhe persa i perket kushteve ne te cilat punojne farmacite, por edhe ne kriteret qe duhet te zbatohen per hapjen e tyre. “Ka nje numer te jashtezakonshem farmacish, perpara ka patur nje lloj rregulli. Megjithate per situaten e krijuar une jap fjalen qe do te bejme nje kontroll, per te pare nese keto farmaci qe jane prezente, a i kane kushtet sipas ligjit te aprovuar per kete qellim, ne menyre qe ne treg te konkurrojne ato qe plotesojne kushtet sipas ligjeve shqiptare”,- tha Kosova. Ky i fundit gjate takimit iu ka bere te qarte dhe ne menyre te prere distributoreve farmaceutike, se nuk do te mund te perdorin me rruge korruptive, per te fituar tenderet e ilaceve apo per te penguar kompanite konkurruese ne treg. Procedurat do te jene transparente, tha ai, teksa i ftoi te merrnin pjese ne gare duke u permendur, qe nuk ka me futje ilacesh me canta apo me cmime te larta, per shkak te abuzimit me pagesat nen dore. "Do t'ju terhiqja vemendjen qe ta fiksoni mire ne mendje te gjithe ju. Firmave farmaceutike, per te fituar nje tender, per te shperndare ilace, apo per t'u hedhur ne tregun shqiptar, nuk do t'i duhet asnje lloj veprimi korruptiv apo nen dore, qofte per veten e tyre per krijuar lehtesira, qofte edhe sic e kam informacionin per te bllokuar shokun apo kolegun, ne dem te cmimeve apo te furnizimit me ilace te popullates",- tha Kosova. Aktualisht tenderi per medikamentet eshte drejt mbylljes, nderkohe qe afati i fundit i tij eshte dita e neserme. Ministri i Shendetesise tha se ky do te jete nje proces transparent dhe persa i perket cmimit te barnave, vendi yne renditet nder shtetet qe kane cmime te uleta ne rajon.

Rregullat

Probleme ne sektorin farmaceutik ka edhe persa i perket kushteve ne te cilat punojne farmacite, por edhe ne kriteret qe duhet te zbatohen per hapjen e tyre. “Ka nje numer te jashtezakonshem farmacish, perpara ka patur nje lloj rregulli. Megjithate per situaten e krijuar une jap fjalen qe do te bejme nje kontroll, per te pare nese keto farmaci qe jane prezente, a i kane kushtet sipas ligjit te aprovuar per kete qellim, ne menyre qe ne treg te konkurrojne ato qe plotesojne kushtet sipas ligjeve shqiptare”- tha Kosova gjate takimit me grosistet.

Rekomandimet e Avokatit te Popullit

Vetem dy dite me pare ka qene pikerisht Avokati i Popullit, Igli Totozani i cili ka bere publik nje rekomandim i cili i drejtohej Ministrise se Shendetesise ku kerkonte qe te merreshin masat ne furnizimin me ilace dhe kjo kryesisht ne spitalin Onkologjik. Kjo per pasoje se gjate dy viteve te fundit fondi per keto ilace ishte pergjysmuar, nderkohe qe cdo vit vihet re nje shtim i rasteve nga viti ne vit. Po keshtu ne rekomandim kerkohej edhe marrja e masave ne sherbime te tjera problematike sic eshte ai i kirurgjive etj.