Urdhri i Farmacisteve: Privatet po na nxjerrin farmaciste “analfabete”

Me shume se gjysma e farmacisteve te testuar ne provimet e shtetit nuk e kane kaluar provimin. Kjo ka bere qe Urdhri i Farmacistit te reagoje per vete faktin se keta studente vijne nga universitet private dhe nuk kane njohurite e duhura. Gjate nje deklarate per shtyp, presidenti i Urdhrit te Farmacisteve, Arjan Jaupllari ka kerkuar te frenohen universitetet private qe diplomojne farmaciste. Sipas tij, ne provimin e shtetit te zhvilluar per farmacistet kane ngelur me shume se gjysma e kandidateve. “Niveli i studenteve qe vjen nga universitetet private eshte shume i dobet dhe le per te deshiruar. Ne kemi kembengulur dhe kemi kerkuar qe pragu i provimit te shtetit te shkoje nga 50 pike ne 70 pike. Kemi kerkuar vendosjen e penalltise qe te behet nje c’kualifikim i sakte. Une mendoj se kemi shume farmaciste dhe duhet ndalur diplomimi i tyre ne universitetet private",- thote Jaupllari. Sipas te dhenave, tregohet se 52,2% e te testuareve nuk kane marre minimumin e pikeve. Ne total, nga 245 farmacise qe iu nenshtruan provimit, 211 prej tyre vinin nga universitetet private ne vend dhe kane kaluar vetem 117 studente. Presidenti i Urdhrit te Farmacistit thote se shkaku i rezultateve te tilla vjen nga numri i madh i studenteve qe pranohen ne universitete, kryesisht ato private, qe sjell edhe mungesen e seleksionimit te duhur te farmacisteve te ardhshem. Kjo situate duket se po behet e perseritur nga viti ne vit, pasi ne te gjitha provimet e shtetit, ku studentet vijne nga universitetet private, njohurite e tyre jane shume te uleta dhe per kete arsye detyrohen qe te perserisin deri ne tre here ato.