Imami: Gratë, është haram t’i afrohen kastravecit e bananes

Një imam anonim, i cili jeton në Europë, deklaroi se është haram që gratë t’i afrohen kastravecit dhe bananes, pasi këto kanë asociacione për seksin.

Imami është intervistuar në lajmet e ‘El-Sensous’, ku citohet të ketë thënë se nëse femrat dëshirojnë të hanë kastravecë ose banane, burri ose babai duhet t’ua presë ushqimin në copa. Imami, po ashtu tha se edhe disa pemë e perime të tjera i përngjajnë penisit dhe mund të eksitojnë gratë dhe t’i shtyjnë ato të mendojnë për seks, shkruan faqja turke e internetit bikyamasir.com.

Përveç kastravecit dhe bananes, sipas imamit është haram të hahen edhe fiqtë dhe kungujt e vegjël, sepse po ashtu janë të rrezikshme për mendime haram. Imami gjithashtu tha se gratë duhen mbajtur nën kontroll kur të dalin jashtë për të blerë pemë e perime dhe se në atë moment ato i ruan vetëm Allahu.

Kjo intervistë ka nxitur reagime kontroverse dhe zemërim tek shumë myslimanë, që thonë se imamë të tillë janë turp dhe japin imazh të shtrembëruar për islamin. Shumë myslimanë kanë komentuar se këto deklarata vetëm se tërheqin vëmendjen e grave edhe më shumë!.