Ina Rama- Wollfarth: Hetim çështjeve të veçanta

Në takim, u vlerësua performanca e Prokurorisë Shqiptare si një nga hallkat e rëndësishme në ruajtjen dhe zbatimin e ligjit. Wollfarth ka theksuar se në takim, se duhet të hetohen çështje të tilla si çështja e imuniteteve, hetimi i plotë dhe i gjithanshëm i proceseve të veçantë siç janë ato qe lidhen me ngjarjet e 21 janarit, transparenca dhe efektiviteti në gjykim.

Duke folur për situatën aktuale, Wollfarth u shpreh se gjatë këtij procesi është vërejtur se vendime të caktuara kërkojnë një interpretim ligjor, ndaj është e rëndësishme që trajtimi i tyre me profesionalizëm të ndikojë drejtpërdrejtë në zbutjen e qëndrimeve.

Prokurorja e Përgjithshme, Ina Rama, duke ndarë të njëjtin qëndrim me ambasadorin Wollfarth, u shpreh se secili institucion duhet dhe e ka për detyrë të punojë në mënyrë të pavarur, bazuar në ligj dhe jashtë çdo ndërhyrjeje, për të garantuar shtetin e së drejtës. /Saimir Lleshi/start/

                                                                                             2011-05-20 14:24