Ina Rama takon homologun spanjoll

Tiranë, 16 mars, NOA - Në kuadër të përfundimit të projektit të binjakëzimit midis Prokurorisë së Përgjithshme shqiptare dhe Prokurorisë së Përgjithshme spanjolle, sot zhvillohet një takim bilateral mes dy krerëve të këtyre institucioneve homologe.

Lajmi konfirmohet nga Prokuroria e Përgjithshme, duke pohuar se kreu i saj, Ina Rama, zhvillon sot një takim pune me homologun e saj spanjoll, Cándido Conde-Pompido Tourón, në mjediset e këtij institucioni.

Takimi zhvillohet në kuadër të përfundimit të projektit të binjakëzimit të lartpërmendur, i cili u prezantua në vitin 2008.
n.e/NOA