Informaliteti, qeveria forcon penalitetet ndaj biznesit

Qeveria nepermjet nje projektligji te derguar ne Kuvend synon te permiresoje procedurat tatimore ne sherbim te reduktimit te evazionit fiskal. Sipas projektit qe ka kaluar me debate brenda deputeteve te mahorances ne Komisionin Parlamentar te Ekonomise, tatimoret mund t'i bllokojne pajisjet kompjuterike te bizneseve me te gjitha te dhenat fiskale per nje muaj, nese dyshojne se ka fshehur xhiron. Por kjo nisme e Ministrise se Financave ka shkaktuar kundershtime tek disa deputete te vete mazhorances qe e kane konsideruar ate si represive dhe qe cenon te drejtat e biznesit. Se bashku me kete nisme, qeveria ka derguar per miratim ne Kuvend edhe disa masa te tjera shtrenguese, per bizneset qe nuk pajisen me kasat fiskale dhe nuk leshojne fatura tatimore. Sipas draftit, bizneset qe nuk kane instaluar kasat dhe qe nuk leshojne fatura tatimore, gjobiten automatikisht 100 mije leke. Nese edhe pas dhjete ditesh tatimet konstatojne se i njejti biznes serish nuk e ka kasen dhe nuk leshon kupon, gjoba per heren e dyte behet 500 mije leke dhe ne rast perseritjeje, atehere tatimet bllokojne aktivitetin per 6 muaj. Administrata tatimore eshte perfshire vitet e fundit ne reforma te thella, jo vetem ne ndryshimin sasior te taksave, por edhe ate cilesor. Tatimet direkte u pergjysmuan, tatimi i fitimit nga 20% u be 10%; tatimi mbi biznesin e vogel nga 3% ne 1.5%; tatimi mbi te ardhurat personale nga 20% kufiri i siperm ne takse te sheshte u ul ne 10%; norma e kontributeve per pensione per punedhenesin nga 29%, u ul ne 15 %. Po ashtu, numri i taksave nacionale nga 21 u reduktua ne 7. Paralel me keto ulje drastike, u miratua ligji "Per procedurat tatimore", bazuar ne praktikat me te mira nderkombetare me synim, reduktimin e informalitetit dhe permiresimin e marredhenieve me biznesin. Me ane te ketij ligji i jane krijuar lehtesi biznesit, duke bere unifikimin dhe zvogelimin e gjobave, shkurtuar hallkat e apelimit, mundesuar rimbursimin automatik, por edhe duke kryer pagesat elektronikisht.