Inspektori humbi jeten ne krye te detyres, homazhe per nder te tij Klodiana Kotorri

Efektivi i polici, Selman Lena u percoll mesditen e djeshme per ne banesen e fundit, ndersa u nderua si deshmor. Per 22 vite me radhe, 43-vjecari, babai i tre vajzave kishte sherbyer ne radhet e efektiveve te Policise se Shtetit deri mbremjen e se shtunes kur gjeti vdekjen teksa ndodhej ne krye te detyres dhe u nderua “Deshmor i atdheut”, ne Diten e Deshmoreve. Ai eshte nderuar nga qindra njerez te cilet zhvilluan homazhe mbi trupin e efektivit. Homazhet u zhvilluan diten e djeshme ne ambientet e Drejtorise se Policise se Shtetit nga ora 13:00-14:00. Trupi i Selman Lenes u percoll per ne banesen e fundit prane Varrezave ne Babrru, ndersa Policia e Shtetit beri te ditur se kane nisur procedurat per shpalljen e efektivit te rene ne krye te detyres, “Deshmor i atdheut”. Shefi i Komisariatit te Policise nr.5, Kryekomisar Rakip Hoxha, ne fjalen e tij duke shprehur dhimbjen per humbjen e Inspektor Selman Lena, evidentoi dhe kontributin e tij nder vite per garantimin e sigurise se qytetareve. “Me ndarjen nga jeta te tij, familjaret humben njeriun e tyre te shtrenjte, ndersa Policia e Shtetit humbi nje nga punonjesit e saj me te devotshem. Ai ishte nje punonjes policie shembullor, qe cdo moment te karrieres se tij 22 vjecare ne strukturat e Policise se Shtetit, nuk reshti se punuari pa u lodhur ne ndihme dhe sherbim te qytetareve. Per 22 vite me radhe, Inspektor Selman Lena, cdo dite te jetes se tij punoi pa u lodhur ne sherbim te komunitetit, deri sa casti tragjik i 4 majit, e goditi rende ate, duke i shkaktuar plage te renda, qe do te nderprisnin ne mes jo vetem endrrat e tij per jeten, por dhe deshiren e tij per t’i sherbyer vendit dhe gjithe komunitetit.”- u shpreh Hoxha. Gjate ceremonise se zhvilluar zevendesdrejtori i Pergjithshem i Policise se Shtetit, Muhamet Rrumbullaku, i dorezoi familjareve te Inspektor, Selman Lena flamurin kombetar me te cilin ishte mbuluar arkivoli i tij dhe kapelen e uniformes se policise. Nderkohe qe ne nderim te Inspektor Selman Lena varrimi eshte shoqeruar me te shtena armesh nga nje grup efektivesh te policise.

Karriera

Kush ishte Inspektor Selman Lena

Inspektor Selman Lena, 43 vjec, ishte i martuar dhe kishte tre vajza. Ai eshte pranuar ne strukturat e Policise se Shtetit, ne vitin 1991 ne Drejtorine e Policise se Qarkut Tirane. Inspektor Selman Lena ka sherbyer ne strukturat e Policise se Shtetit nga viti 1991 deri ne vitin 2013. Gjate kesaj periudhe ka kryer detyra te ndryshme ne strukturat e policise ne strukturat e sigurise publike ne Komisariatet e Policise Tirane. Nga 14.10.2012, ka kryer detyren e oficerit te patrulles se pergjithshme prane Komisariatit te Policise nr.5, Inspektor.

Homazhet

Kreret e dikasterit blu nderojne inspektorin

Ministri i Brendshem, Flamur Noka, i shoqeruar nga Drejtori i Pergjithshem i Policise se Shtetit, Hysni Burgaj, drejtuesit me te larte te Policise se Shtetit, efektive te Policise, si edhe zyrtare te larte te Ministrise se Brendshme, moren pjese ne ceremonite e lamtumires, per nder te inspektorit Selman Lena, i cili humbi jeten mbremjen e se shtunes gjate ushtrimit te detyres.

Kryeministri ngushelloi familjen e Inspektorit

Berisha: Mbeshtetje per efektivet, lufte krimit

Kryeministri Sali Berisha ngushelloi dje familjaret e policit te vrare, Selman Lena ndersa deklaroi mbeshtetjen e tij te plote dhe te qeverise ndaj efektivave te policise, ne luften e tyre pa kompromis ndaj krimit, ne ruajtje dhe mbrojtje te rendit publik dhe shtetit ligjor. “U shpreh ngushellimet e mia, dhimbjen, pikellimin, per renien ne krye te detyres te Selman Lenes, ketij inspektori te shkelqyer te efektivave tona te rendit, ketij prindi shembullor, qytetari te mrekullueshem e biri te shquar te nje familjeje, por edhe te vendit. Lutem se bashku me ta qe shpirti i tij te gjeje paqen e merituar. Sikunder kam besimin me te madh se ligji do te jape pergjigjen e merituar ndaj ketij akti kriminal. Une gjithashtu uroj qe shoku i tij, inspektori i policise Preng Lleshi, i cili ndodhet ne gjendje shume te rende, te permiresohet e sherohet. Shpreh ne emer te qeverise, mbeshtetjen me te fuqishme ndaj efektivave te Policise se Shtetit, shpreh besimin tim te madh se asgje nuk do t’i perkule ata, ne permbushje e detyrimeve dhe te misionit te tyre te madh ligjor”- deklaroi kryeministri Berisha.

Vizita

Paraditen e djeshme, drejtues te Policise se Shtetit kryen vizita ne familjen e efektivit te policit te rene ne krye te detyres. Inspektori Selman Lena ishte efektiv i Policise se Shtetit qe prej vitit 1996. Ne krye te detyres u plagos dhe ndodhet ne gjendje te rende shendetesore ne Spitalin Ushtarak, efektivi i Policise se Shtetit, Preng Lleshi.