Inter, Adri-Cruz-Crespo pergatisin valixhet
Ajer i rende ne ambientet e klubit ziklater. Telashet e shumta te derivuara nga mosmarreveshjet me trajnerin Mancini, sulmuesi Adriano duket se i ka mbarur edhe kete sezon, ku “ilaci” Mourinho nuk po i ben efekt.
Mes lojtarit dhe trajnerit tashme ka ngrirje te marredhenieve, por te pakenaqurit ne kampin e Interit jane edhe Cruz e Crespo. Tre sulmuesit e kampioneve te Italise duket se ne mesin e ketij sezoni do te largohen nga Interi per te gjetur nje tjeter ambient ku mund te shpalosin talentin e tyre.
“E kam nevrikosur shume dhe tani nuk mendoj se do me fuse me ne fushe edhe pse une kam pire vetem uje”, mesohet t’u kete thene shokeve te tij braziliane Adriano pas nates se shfrenuar ne Milano. Me tej, ai u ka bere te ditur edhe idene e tij per t’u kthyer ne Brazil qe ne muajin janar.
Per te ndertuar nje sulm te ri, produktiv dhe me shume teknik, presidenti Moratti mendon te afroje ne skuader talentet Acquafresca dhe Aguero. Nese plani per te marre te riun italian nga Kaljari nuk mund te hase ne shume pengesa, ndryshe qendron puna per “El Kun”, te cilin Atletico Madrid nuk e leshon pa nje premtim te mire ekonomik.