Inter në finale të Botërorit
Nga Express më 15 dhjetor 2010 në ora 20:05
Kampioni i Evropës, Inter, është kualifikuar në finale të Botërorit për klube, pasi që të mërkurën mbrëma, në gjysmëfinale pa mund të madh e mposhti ekipin jug-korean Seongnam me rezultat 3:0.
Golat për Nerazzurrët i shënuar Dejan Stankovic (3’), Javier Zanetti (32’) e Diego Milito (73’).
Kështu, kampioni italian, ndeshjen finale të Botërorit do ta zhvillojë të shtunën mbrëma në stadiumin Zayed Sports City të Abu Dhabit kundër ekipit afrikan Mazembe.