Interi fillon përgatitjet për derbin me Milanin

Milano - Interi ka zhvilluar një seancë stërvitore ditën e sotme megjithë mungesën e 7 futbollitëve të impenjuar me kombëtaret e tyre. Skuadra e drejtuar nga portugezi Murinjo ka rinisur përgatitjet në qendren stërvitore “Angelo Morati” për derbin kundër Milanit ditën e dielë. Dy skuadrat e Milanos do të përballen këtë fundjavë për javën e 34-t të Serisë A.

Ditën e sotme grupi zhvilloi një seancë për afro 80 minuta. Skuadrës së Murinjos i është bashkuar edhe Hulio Sezar bashkë me Adrianon dhe Maikonin. Këta futbollistë do të kenë një tjetër supërsfidë të vështirë përballë Milanit, pas asaj me Brazilin kundër Italisë.