Invalidet bllokojne bulevardin, trafiku ne kaos

Per disa ore me radhe, qendra e Tiranes dhe bulevardi kryesor jane bllokuar duke krijuar kaos ne qarkullimin e mjeteve dhe njerezve. Me qindra automjete kane qendruar ne pritje te hapjes se akseve rrugore, qe u bllokuan papritur. Shkak per bllokimin gjate mesdites se djeshme ka qene protesta disaoreshe e paraplegjikeve poshte godines se Kryeministrise. Qendrimi i gjate i personave me aftesi te kufizuar ne bulevard, detyroi policine rrugore qe te devijonte levizjen e automjeteve, duke krijuar keshtu nje trafik me se te renduar. Qendrimi i qindra automjeteve ka shkaktuar ndotje me te madhe se ditet e tjera, pavaresisht se shume drejtues automjetesh i fiken ato. Me gjithe nderhyrjen e policise rrugore, trafiku nuk eshte lehtesuar. Paraplegjiket jane shprehur te vendosur te protestojne deri ne oret e pasdites, duke krijuar keshtu nje situate kaotike ne trafik. Nder protestuesit eshte edhe nje vogelushe nga Bathorja, e cila detyrohet cdo dite te beje rrugen nga shtepia ne shkolle me karroce, per shkak te semundjes se paralizes cerebrale me te cilen ka lindur. Vogelushja 8-vjecare eshte shprehur se e ema e shoqeron ne shkolle dhe e ka te veshtire ta shtyje karrocen ne rruget me gropa te Bathores, sidomos kur vjen dimri dhe balta pengon rrotat. Kjo pasi vogelushja invalide nuk perfiton subvencion ne karburant si gjithe te tjeret. Keshtu, Shoqata e paraplegjikeve dhe tetraplegjikeve i ka kerkuar qeverise te plotesoje disa prej kerkesave te tyre ekonomike. Ne te gjithe vendin jane te regjistruar rreth 3500 invalide te aksidentuar ne pune, ose gjate jetes.