Invalidet e punes, greve per deshmite

Invalidet e Punes kane kercenuar se do te hidhen ne greve urie, nese nuk zgjidhet problemi me deshmite e tyre. Qe prej dy ditesh, ata nuk mund t'i perdorin ato, sepse fatorinot e autobuseve urbane nuk ua njohin. Kesisoj, invalidet e punes detyrohen qe te nxjerrin nga 20 leke sa here qe hipin ne autobus. Ka qene ky shkaku pse ata kane menduar te hyjne ne greve urie per te zgjidhur situaten. Kjo kategori pasagjeresh nuk jane te afte qe te punojne, cka do t'ua lehtesonte sadopak gjendjen e veshtire financiare. Por ne kushte te tilla, kur ata vuajne mangesite e aftesive fizike, e kane te pamundur qe ta perballojne koston e transportit urban. Sipas tyre, nese Bashkia e Tiranes nuk reagon duke zgjidhur problemin, atehere ata nuk shohin rruge tjeter pervec ngujimit ne nje ambient ku as mund te hane dhe as te pine. Ne fakt, Shoqata Kombetare e Transportit qytetes ka deklaruar se udhetimi falas per invalidet e punes, veteranet apo kategori te tjera qe udhetojne falas, eshte nje nder shkaktaret pse kjo shoqate, por edhe operatoret private po kalojne nje krize te rende financiare. Sigurisht qe ata nuk jane shkaktaret kryesore, por nje element i rendesishem qe ka cuar ne krize. Problemi, sipas drejtuesve te kesaj shoqate, eshte se shteti nuk rimburson asnje lek per keto kategori, edhe pse operatoret qe operojne ne transportin qytetes jane private. Sot per sot, rimbursohet per sherbimin qe kryen vetem parku, i cili ka linjen e vetme Kombinat-Kinostudio. Ndersa operatoret qe perballojne pjesen tjeter te transportit ne Tirane, qe eshte edhe me e madhja, nuk rimbursohen. Ne keto kushte, sipas operatoreve private, eshte e pamundur qe te krijosh standarde te sherbimit.

Invalidet, varesi nga Ministria e Punes

Nje propozim qe ka bere para pak kohesh Shoqata e Transportit Urban ishte qe per kategorine e invalideve te punes, administrimin e aboneve ta bente Ministria e Punes, Ceshtjeve Sociale dhe Shanseve te barabarta. Ne kete menyre, sipas perfaqesuesve te shoqates, do te eliminoheshin abuzimet qe behen me kartat dhe deshmite e invaliditetit.