Ish-truproja: Mlladic fshihet ne bunker ne kufirin maqedonas

Gazetat prestigjioze "Mirror" dhe "Kronen Zeitung", pretendojne se kane zbuluar vendndodhjen e te shumekerkuarit per krime lufte, Ratko Mlladic. Gazeta angleze "Mirror" shkruan se i kerkuari per krime lufte nga Tribunali i Hages, Ratko Mlladic, me nje ushtri prej 200 ushtaresh fshihet ne nje bunker ne kufi me Maqedonine. Sipas gazetes, kjo eshte deshmia e nje 43-vjecari i cili thote ka qene ish-truproje e gjeneralit serb. Ish- truproja i Mlladicit, i cili po negocion per te marre shperblimin prej 5 milione dollaresh, qe Tribunali i Hages ka dhene per cdo person i cili ndihmon ne arrestimin e gjeneralit, thote se policia duhet te shpejtoje per ta arrestuar, pasi Mlladic eshte shume i semure. Po ashtu edhe gazeta austriake "Kronen Zeitung", duke cituar burimet e saj, shkruan se krimineli Ratko Mlladic fshihet ne kufirin drejt Maqedonise, ne male ku kullot dele dhe eshte ne gjendje te rende shendetesore. Gazeta duke u thirrur ne deklaraten e nje serbi 43 vjecar nga Vjena shkruan se Mlladic fshihet ne nje bunker te vjeter te Titos, ne kufirin drejt Maqedonise, ku e ruajne rreth 200 ushtare te armatosur. Ne shkrimin e te perditshmes austriake thuhet se Mlladic eshte i maskuar si coban i cili gjoja ruan afer 150 dele. Gjykata Nderkombetare per Krimet ne ish-Jugosllavi ka kerkuar arrestimin e tij qe ne vitin 1995