Isuf Ukperaj kerkoi ndryshim mase per shkak te semundjes
Tirane - Gjykata e Apelit ka lene ne fuqi te njejten mase sigurie te vendosur nga Gjykata e Shkalles se Pare per te pandehurin Isuf Ukperaj, pronar i firmes, i akuzuar per korrupsion pasiv ne lidhje me tenderet e Drejtorise se Rrugeve. Mbrojtja e te pandehurit Ukperaj ka depozituar nje kerkese disa dite me pare ne gjykate, ku edhe kerkonte ndryshimin e mases se sigurise per arsye se vuante nga nje semundje e pasherueshme. Ne kerkesen e depozituar ne Gjykaten e Apelit, mbrojtja pretendoi nje zevendesim te mases se sigurise nga ajo e "arrestit me burg", ne "arrest shtepie" per 50-vjecarin. Nepermjet nje ekspertize mjeko-ligjore, mbrojtja i ka bere te ditur gjykates se klienti duhet te dilte nga burgu dhe te gjykohej ne gjendje te lire, pasi vuan nga semundja e pasherueshme. Por togat e zeza te Gjykates se Apelit, pasi kane degjuar te dyja palet, mbrojtjen si dhe organin e akuzes, vendosi qe te lere ne fuqi vendimin e marre nga Shkalla e Pare.
Sipas gjykates, i pandehuri Isuf Ukepraj, pronar i firmes "Vllaznia Ukperaj", duhet te qendroje ne qeli deri ne perfundim te hetimeve nga ana e Prokurorise se Tiranes. Biznesmeni ra ne pranga te policise me 19 shtator te vitit te kaluar ne saje te operacionit te koduar "Me duar te pastra". Sipas hetimeve te kryera nga ana e organit te akuzes, i pandehuri ne bashkepunim 8 persona te tjere, midis tyre edhe ish zv/ministri i Transporteve, Nikolin Jaka, akuzohen se kane abuzuar ne 15 tendere te dhene nga ana e kesaj ministrie. Keshtu, nga pergjimet 4-mujore ambientale dhe telefonike, behet e ditur se tenderet e Ministrise se Transporteve i jane shitur firmes "Vellazeria" Shpk, ne te cilen ishte ortak edhe i pandehuri Isuf Ukperaj. Fondet e tendereve ishin te ndryshem, nderkohe qe shuma me e madhe arrinte vleren prej 417 milione euro, nga te cilat dyshohet se te pandehurit do te perfitonin 10 per qind, ose rreth 42 milione euro. Nente te arrestuarit jane akuzuar per vepren penale te "korrupsionit pasiv", e "shperdorim detyre".
9 jane te ndaluarit e operacionit te koduar "Me duar te pastra". Enton Resuli, i akuzuar si sekser, ish-drejtori i Pergjithshem i Rrugeve, Ilirian Bezani, kreu i prokurimeve, Bashkim Kamberi, tre shefat e zyrave, Xhevahir Mucogllava, Arjan Sheti e Alban Qafa, dy biznesmenet, Isuf Ukperaj e Skender Bokciu, te firmave "Vellazeria" dhe "Arifaj", si dhe ish-zv/ministri i Transporteve, Nikolin Jaka.