Itali, kandidati vdes gjatë fushatës elektorale

Raffaele Anastasi, 62-vjeç, kandidat për Kryetar Komune në Rizzicioni të Reggio Calabrias, ka pësur një atak në zemër ndërsa po mbante një miting elektoral në qytetin e Piana di Gioia Tauro.

Sipas mediave italiane bëhet e ditur se ai vdiq ndërsa po transportohej për në spital.

Anastasi, një zyrtar i Rajonit të Kalabrisë, kishte qënë edhe më parë kryetar i komunës së Rizziconit në vitet 80.

Ai ishte ri-kandiduar për rolin e qytetarit të parë komunës nën moton “Të bashkuar për Rizzicionin”.

Sipas dëshmitarëve, ka pasur një vonesë në mbërritjen e ndihmës së shpejtë, gjë që mund t`i ketë kushtuar jetën.