Itali, ndizet debat mbi cilësinë e ndërtimeve

Romë - E gjithë Italia është përfshirë nga një debat për cilësinë e ndërtimeve dhe masave kundra-sizmike. Nga tërmeti i djeshëm nuk u prishën vetëm shtëpitë e vjetra prej guri, por edhe ato që janë ndërtuar vitet e fundit.

Të dhënat paraprake flasin për 80 mijë ndërtesa të cilat kanë nevojë për rikonstruksion pas dëmtimeve që morën nga tërmeti. Gjysma e këtyre ndërtesave janë institucione publike.

Debati nxehet më shumë pas fjalëve të kryetarit të Komisionit të Rreziqeve, Franko Barberi, i cili deklaroi se po të kisht ndodhur një tërmet i tillë në Kaliforni nuk do të shkaktonte asnjë viktimë.

Specialistët deklarojnë se duhet të bëhet një monitorim më i hollësishëm në marrjen e masave kundra-sizmike në ndërtimet e reja.