Itali, te premten varrimi per viktimat

ROME - Te premten Italia do te jete ne zi. Qeveria e shtetit fqinj ka vendosur qe kete dite te zhvilloje funeralin shteteror, per te gjitha viktimat e termetit shkaterrimtar te rene te henen ne oren 03:32 minuta ne qender te Italise. Vendimi per diten e varrimit eshte marre dje. Ne te, pritet te marre pjese dhe Presidenti i Italise, Xhorxho Napolitano dhe i gjithe kabineti qeveritar. Deri tani numri i viktimave eshte 267, por te humbur ende rezultojne te jene 11 persona. Nderkaq qe dy dite me pare, Keshilli i Ministrave ne Itali vendosi te shpalle zi kombetare, diten kur do te varrosen viktimat e termetit qe shkaterroi Abruzon. Lajmi u be i ditur nga zyra e shtypit e Pallatit Chigi. Sipas te dhenave, varrimi i viktimave te termetit do te organizohet nga shteti dhe do te jete ne nje dite per te gjitha viktimat, ne te gjitha lokalitet ku ra termeti shkaterrues. Mediat italiane raportojne se eshte konfirmuar vdekja e 267 personave, nder te cilet 16 jane femije, ndersa ekziston ende frika se bilanci i viktimave mund te rritet edhe me tej.

Lekundjet

Te tjera goditje te forta sizmike, jane ndjere serish ne zonat e goditura nga termeti i se henes, duke mbajtur akoma te gjalle friken ne rajonin e Abruzos. Ende pa kaluar traumen e termetit shkaterrimtar, banoret e pjeses qendrore te Italise jane perfshire serish nga paniku.