Ivankovic "zhduket", kuqezinjte presin emrin e ri

Kombetarja shqiptare i eshte rikthyer dhe po shqyrton kandidatura te tjera, pasi kroati Branko Ivankovic e ka refuzuar oferten e pare, prej 300 mije dollareve. Kandidati kryesor, i cili duhej te marrte ne dore fatet e kuqezinjve, Ivankovic eshte deklaruar trajneri i kombetares se Maqedonise dhe sic shihet po luan ne te dy pistat, per te pasur nje oferte me te majme. Ivankovic nuk ka firmosur as per kombetaren e Maqedonise. Sakaq, pas refuzimit te ofertes se pare qe i ka dhene FSHF, ne ditet e metejshme nuk ka pasur oferte tjeter. Drejtuesit e FHSF-se jane te bindur se shuma e afruar eshte e larte dhe i pergjigjet plotesisht tregut te trajnereve, ne rajonin tone. Keshtu, pas shume diskutimeve dhe bisedimeve me emra te ndryshem, kjo jave duket se do te jete vendimtare per trajnerin e ardhshem. Nje jave me vone ne Tirane do te mberrije Milani, per te luajtur nje miqesore me ekipin tone kombetar. FSHF ka vene afat qe te zgjedhe trajnerin, para miqesores me Milanin, pasi me kete rast do te testohet ekipi, ne vigjilje te ndeshjes, ndaj Portugalise. Emrat jane gati dhe nese nuk do te arrihet marreveshje me ndonje trajner te huaj, FSHF mund te preferoje edhe ndonje trajner vend, ne fund, duke qene se kostoja per te eshte me e ulet dhe ai do te testohet, se bashku me ekipin.