Ivziku: Sistem online në farmaci për shmangien e vjedhjeve të ilaçeve

Brenda 6 muajve pritet që informatizimi i medikamenteve të përfshijë edhe pacientët, duke ndikuar në këtë mënyrë në uljen e abuzimeve dhe duke realizuar një kontroll më të lartë të ilaceve nga farmacia tek pacienti. Drejtori i QSUT-së, Sajmir Ivziku ndër të tjera deklaroi se tashmë ka përfunduar procesi i sistemimit on-line të farmacive në vend.
 

Ky projekt ka nisur gjatë 2011 dhe tashmë Qendra Spitalore Universitare "Nënë Tereza" ka një sistem online të të gjitha farmacive, duke filluar nga ajo qëndrore e deri tek ato periferike, pranë pavijoneve.