Izrael, protestë masive kundër varfërisë

Banorët e Izraelit zbritën sërish në rrugë për të protestuar masivisht kundër kostos së lartë të jetesës.

Të paktën 250 mijë persona iu bashkuan protestës, tubimet kryesore të të cilës u zhvilluan në Tel Aviv, Jerusalem dhe Haifa, edhe pse disa media izraelite flisnin për 400 mijë persona.

Protestat e djeshme janë të fundit të një serie manifestimesh të mbajtura gjatë sezonit të verës.

Shumë izraelitë janë të inatosur me kostot e larta të shtëpive, ushqimit, arsimit dhe kujdesit shëndetësor.

Qeveria e kryeministrit Benjamin Netanyahu është përgjigjur duke ngritur një komitet të posacëm për ekzaminimin e reformave, ndonëse ai ka paralajmëruar se nuk i plotëson dot të gjitha kërkesat e protestuesve.