Turqia dërgon Izraelin në GJND
Turqia ka deklaruar se do të sfidojë bllokadën e Izraelit në Gaza në Gjykatën Ndërkombëtare të Drejtësisë.
Kjo është shenja e fundit e përplasjes mes dy vendeve që prej aksionit të vitit të kaluar, kur komandot izraelitë vranë 9 aktivistë turq në një anije që po conte ndihma në Gaza.
Ministri i Jashtëm, Ahmed Davutoglu ka deklaruar se Turqia nuk i pranon konstatimet në raportin e OKB-së, që thonë se bllokada izraelite në Gaza ishte një masë sigurie legjitime.
Komentet e shefit të diplomacisë turke vijnë pasi Ankaraja zyrtare dëboi nga vendi ambasadorin izraelit, si dhe ndali bashkëpunimin ushtarak me Izraelin.
Duke folur në një televizion shtetëror turk, Davutoglu tha se raporti i OKB-së nuk është miratuar nga Kombet e Bashkuara dhe për rrjedhojë nuk është detyrues.
Ai është përgatitur nga ish-kryeministri i Zelandës së Re, Goeffrey Palmer dhe ish-presidenti kolumbian Alvaro Uribe.