Izraeli ndërmerr tjetër sulm në Rripin e Gazës

Sulmet ajrore u kryen pavarësish nga njoftimi i Hamasit se militantët në Gaza nuk do të hedhin më raketa në Izraelin jugor. Izraeli thotë se sulmet ajrore u kryen në përgjigje të një rakete, që u hodh të shtunën nga militantët në Gaza drejt Izraelit jugor.

Sulmet izraelite ndodhën pak orë pasi Hamasi i mbështetur nga Irani, i cili sundon në Gazë, njoftoi se kishte arritur një marrëveshje me fraksionet palestineze brenda Rripit për ndalimin e hedhjes së raketave.