Jahjaga në SHBA, merr pjesë në konferencën e USAID

Presidentja e Kosovës, Atifete Jahjaga, ka udhëtuar sot për një vizitë në Shtetet e Bashkuara, me ç`rast merr pjesë në një konferencë të organizuar nga USAID në Universitetin Georgetown, ka njoftuar presidenca e Kosovës.

Pritet që ajo do të mbajë fjalim në panelin për demokratizimin, zhvillimin dhe sigurinë globale në shekullin 21.

Në këtë konferencë pritet të marrin pjesë edhe zyrtare të larta nga disa shtete të botës.