Jam i rrethuar, duan të më vrasin. Një i vdekur dhe tre të plagosur në Shkodër

Një ngjarje e rëndë është shënuar në orët e mbrëmjes në fshatin Vukatanë të Shkodrës.

Një person ka mbetur i vrarë si pasojë e shkëmbimit të zjarrit, ndërsa tre të tjerë janë plagosur.

Viktima është Gjin Murri.

Burimet policore thonë se ai është qëlluar nga xhaxhai i tij, Çesk Murri.

Gjini, përpara se të vritej ka telefonuar policinë dhe ka deklaruar se është i rrethuar dhe se duan ta vrasin.

Duhet të vini urgjentisht, ka thënë ai.

Por kur policia ka mbërritur aty, ka gjetur një banjo gjaku.

I vdekur ka qenë Gjin Murri dhe tre persona kanë qenë të plagosur.

I plagosur ka mbetur edhe Çesk Murri, i cili gjithashtu ka marrë disa plumba në trup dhe aktualisht ndodhet në spital, në gjendje të rëndë.

Dy të plagosurit e tjerë janë: Aleks Murri, vëllai i viktimës dhe Nik Murri, djali i Çesk Murrit.

Burime në vendngjarje thonë se gjithçka ka nisur pas konfliktit se bagëtitë kishin prishur hardhitë.