Jay Z adhurues i Arsenalit
Kur bëhet fjalë për ekipin e tij të favorizuar, atëherë Jay Z ka vetëm një emër, Arsenal. Atë mund ta shikoni duke i kafshuar thonjtë kur luan kjo skuadër.
Mu për këtë shkak, The Gunners (topxhinjtë) i kanë ofruar atij dhe gruas së tij Beyonce vende të lira në stadiumin e Londrës për ti shikuar ndeshjet e futbollit në lozhën për mikpritjen e fansave.
Klubi ka kontaktuar me reperin e famshëm pasi ka lexuar shkrimet e tij qe ai është një tifoz i madh i Arsenalit.
Jay tha se “dëshiron t’i falënderoj ata për ofertën që ia kanë bërë”.
Kapiteni i Arsenalit, CESC FABREGAS, është lojtari i favorizuar i Jay-Z, përderisa ai shprehi dëshirën të bisedonte me të dhe me djemtë e tjerë të ekipit.
Këngëtari ishte parë edhe në stadiumin e Manchester City, “Eastlands”, por ai e bëri të ditur që kishte shkuar atje vetëm për ti parë kundërshtarët e tij.
Ai shtoi: "Unë jam i kënaqur me Arsenal dhe tash e dini që unë e mbështes atë ekip”.
Është përfolur që ai është edhe fans i Chelsea, mirëpo këngëtari tha që “ata janë të mirë po për mua mbetet vetëm Arsenali”.
Arsenali gjatë kësaj jave do të luaj me Manchester United, dhe Jay Z ka premtuar se nëse fitojnë ai do t’i ftoj ata në villen e tij në New York.