Jep dorëheqjen edhe Albana Shtylla. PS pa përfaqësues në KQZ

Pas Denar Bibës, dorëheqjen nga Komisioni Qendror i Zgjedhjeve e ka dhënë edhe Albana Shtylla, anëtarja tjetër e propozuar nga Partia Socialiste për këtë post.

Shkaqet e dorëheqjes së saj janë të njëjta me ato të Bibës.

Dorëheqja e saj është depozituar paradite në KQZ.

Akti i Kuvendit me shkarkimin e Muhos ka cenuar rëndë pavarësinë e çdo anëtari të KQZ, tha Shtylla.

Me vendimin e Parlamentit është cenuar pavarësia vendimmarrëse  e KQZ-së. U betova se gjatë ushtrimit të detyrës do të ruaj pavarësinë edhe pse u propozova nga PS. Diskutimet e fundit kanë nxjerrë në pah se anëtarët e KQZ janë përfaqësues politikë, thekson Shtylla.

Në këtë mënyrë Partia Socialiste ka mbetur pa përfaqësues në KQZ.

Disa media flasin se kjo lëvizje mund të sjellë rikompozimin e KQZ-së./ep