Jeremiç bën “kamikazin” në sy të ndërkombëtarëve: Anëtarësimi i Kosovës në OKB, vetëm mbi trupin tim të vdekur

Ministri në largim i Punëve të Jashtme i Serbisë, Vuk Jeremiç ka deklaruar se kërkesa eventuale e Kosovës për anëtarësim në OKB gjatë kohës sa ai e kryeson Asamblenë e Përgjithshme të OKB-së do të ishte “akti i pamenduar provokimi” që nuk ka kurrfarë shansesh të ketë sukses.
“Derisa Serbia e kryeson Asamblenë e Përgjithshme të OKB-së, e kjo zgjat një vit, një gjë e tillë do të mund të ndodhte vetëm mbi trupin tim të vdekur”, tha Jeremiç, pas një takimi me shefin e diplomacisë qipriote, Erato Kozaku Markulis.
Ai ka thënë se kjo nuk do të ndodhë, por në çdo rast, vendimin për këtë sipas tij e sjell Këshilli i Sigurimit, në të cilin dy anëtare Rusia e Kina, me të drejtë vetoje kanë qëndrim të qartë ndaj Kosovës.
Në qershor, Jeremiç është zgjedhur president i Asamblesë së Përgjithshme të Kombeve të Bashkuara.