Jetimoret, "prinder" per femijet
Shtepia e Femijes "Zyber Hallulli", por edhe qendrat e tjera rezidenciale per shtresat ne nevoje do te kthehen ne familje pothuaj te verteta per kategorine qe banon ne to. Kjo ne saje te projektit "casa-famiglia", qe nenkupton qe keto qendra te jene shtepi-familje per keta nevojtare. Premtimin e dha dje ministri i Punes Anastas Duro teksa inspektonte qendrat publike rezidenciale per femijet, foshnjat dhe te moshuarit. Kjo skeme ka filluar tashme te aplikohet ne fshatin "SOS", ku jane punesuar prinder, teze, apo edhe te aferm te tjere per femijet. Keshtu, qytetare te ndryshem marrin persiper te punesohen ne kete institucion social dhe te perkujdesen per femijet, njesoj si te ishin te tyret. Gjate inspektimeve, Duro u ndal pikerisht ne kete argument, ne menyre qe jetimet, apo te braktisurit te ndiejne ngrohtesine e nje mjedisi familjar. Me gjithe permiresimin e kushteve ne qender, stafi i qendrave ku u kryen inspektimet, u shpreh se tashme ka ardhur koha te riformatohet struktura e tyre, per t'i kthyer ato ne qendra moderne te tipit shtepi familje. Kjo nenkupton qe femijeve t'u ofrohen kushte dhe mjedise te ngjashme me ato familjare. Ministri premtoi se do te shihet mundesia qe, ne bashkepunim me donatoret e interesuar, te sigurohet fondi i nevojshem per realizimin e investimeve qe do te benin te mundur transformimin e ambienteve ne funksion te sherbimit te ri. Ne viziten ne Shtepine e Femijes "Zyber Hallulli", ku qendrojne femije te moshes nga 6-15 vjec, ministri u informua nga stafi se ne te, aktualisht trajtohen 45 femije me sherbim 24 oresh. Ne takimin qe zhvilloi me punonjesit e qendres Duro, i siguroi ata se Ministria dhe te gjitha strukturat e saj do t'i mbeshtesin ne misionin e tyre per te ofruar sherbime cilesore per femijet. "Por qe mbeshtetja jone te jete rezultateve, ajo duhet te mbeshtetet ne kerkesat dhe nevojat e evidentuara nga ju, si dhe nga femijet qe perfitojne sherbimin", tha ai. Qellimi i ketyre vizitave ishte njohja me qendrat, nivelin e sherbimit qe ofrohet ne to, si dhe per t'u takuar dhe per te biseduar me punonjesit dhe perfituesit e ketyre sherbimeve rreth nevojave dhe kerkesave te tyre.