"Jo ndarjes, te behemi sovrane"

"Jo ndarjes, te behemi sovrane" Kjo ishte parulla qe perseritej nga mijera qytetar te Kosoves ne protesten e organizuar mbi kundershtimin e rrethanave te vendosjes se misionit te Bashkimit Evropian, EULEX, nen moton "Ne mbrojtje te sovranitetit". Me brohoritje kosovaret kane kundershtuar njezeri rrethanat qe jane percaktuar ne dokumentin gjashtepikesh, i cili eshte perfshire ne raportin e fundit te Sekretarit te Pergjithshem, Ban Ki-Mun, te miratuar nga Keshilli i Sigurimit i Kombeve te Bashkuara, javen qe shkoi. Demonstrata ka nisur para Bibliotekes Kombetare ne Prishtine, per te vazhduar me pas, para nderteses se UNMIK-ut, ku organizuesit e saj i jane drejtuar mases se tubuar. Nderkaq, lideri i Levizjes "Vetevendosje", i ka akuzuar lideret e Kosoves se po e genjejne popullin dhe ka shpjeguar se plani gjashtepikesh i sekretarit Ban Ki-Mun eshte perfshire ne planin per shtrirjen e EULEX-it ne Kosove, respektivisht, shtrirjes sipas modelit qe ka kerkuar Serbia. "Me keto gjashte pika, legalizohen strukturat paralele te Serbise, edhe situata qe eshte ne veriun e Kosoves, riprodhohet neper te gjithe Kosoven, kudo ku ka nje fshat ose nje lagje te banuar me serbe", ka thene Kurti. Sipas tij, EULEX-i nuk do te mund t'i zhbeje keto struktura paralele, per vete faktin se do te funksionoje ne kuader te administrates se rikonfiguruar te Kombeve te Bashkuara. Organizatoret dhe protestuesit njekohesisht kane adresuar edhe kritika te ashpra ne adrese te udheheqesve vendore, duke i akuzuar ata per, sic eshte thene, genjeshtra dhe mungese lidershipi. "EULEX-i do te kete imunitet nga ndjekjet penale ne Kosove. Ligji yne nuk i kap keta. EULEX-i do te kete zyre ne Beograd, por jo edhe ne Tirane. EULEX-i po vjen pa referendum ne Kosove, pa e pasur pelqimin e popullit te Kosoves", deklaroi Kurti. Protestuesit kane bere thirrje per hedhjen poshte te Rezolutes 1244 te Keshillit te Sigurimit dhe kunder EULEX-it dhe UNMIK-ut.