Ligji per kornizen e kualifikimeve, se shpejti ne Qeveri

Projekti "cilesi dhe barazi ne arsim" do te kushtoje rreth 75 milion dollare. Pikerisht ky argument ka mbledhur dje ne Durres perfaqesues te Ministrise se Arsimit, Bankes Boterore, PNUD, Banka Evropiane per Zhvillim, si dhe donatore te tjere. Projekti bashkefinancohet nga Banka Evropiane e Investimeve, 15 milione dollare, Banka e Investimeve te Keshillit te Evropes 15 milione dollare dhe nga Qeveria Shqiptare, 30 milione dollare. Ne konference, ministri i Arsimit Fatos Beja, beri nje permbledhje per situaten infrastrukturore qe eshte pergatitur nga Qeveria Shqiptare ne bashkepunim me Banken Boterore dhe mundeson zbatimin e Strategjise Kombetare te Arsimit. Qellimi kryesor i tij eshte permiresimi i cilesise dhe kushteve te te nxenit per te gjithe nxenesit dhe rritja e frekuentimit ne arsimin e mesem dhe te larte. Gjithashtu, ministri i Arsimit Fatos Beja evidentoi ndryshimet qe ka sjelle reforma e deritanishme ne sistemin parauniversitar, parashtroi edhe pikat qe do te realizonin dhe permbyllnin me sukses kete reforme. Ai u ndal ne reformat e kryera kryesisht ne ate te ristrukturimit te arsimit baze dhe te mesem, ne kalimin e shkollave nga 8-vjecare ne 9-vjecare si dhe nga shkollat e mesme 4-vjecare ne 3-vjecare. Me tej, ne fjalen e tij Beja i njohu te pranishmit me reformat ne arsim, duke theksuar se nje nga orientimet qe ndihmon ne realizimin e plote te reformes, eshte zgjerimi i autonomise shkollore. Nje tjeter teme ku u fokusua numri nje i dikasterit te Ministrise se Arsimit, ishte reforma e kurrikules se arsimit te mesem, te larte dhe profesional. Keto reforma gjate konferences jane cilesuar nga ministri i Arsimit si terminal i reformave per shkak te impaktit qe pritet te kene ne permiresimin e cilesise se sherbimit arsimor. Per kete arsye se shpejti Ministria e Arsimit do te coje per miratim ne kuvend ligjin per kornizen shqiptare te kualifikimeve.