"Jo rritjes se cmimit te energjise"

TIRANE - Kryeministri Berisha deklaroi dje se privatizimi i OSSH ka bllokuar rritjen e metejshme te cmimit te energjise elektrike. Teksa prezantoi dje ne mbledhjen e qeverise edhe privatizimin e operatorit te sistemit te shperndarjes, duke e quajtur nje privatizim shume te suksesshem te bere nga qeveria e tij, ai garantoi qytetaret per mos rritje te metejshme te cmimit te energjise. "Qeveria i rezistoi te gjitha temptimeve per rritjen e cmimit. Qeveria perjashtoi elementet qe, ne menyre automatike, mund te rendonin mbi kurrizin e qytetareve shqiptare. Skema dhe formula, qe bazoheshin ne perballimin nga qytetaret te kostos se ketij privatizimi, u perjashtuan teresisht", deklaroi Berisha. Ndersa shtoi se per rreth nje vit, u negociua me IFC-ne per te gjetur dhe percaktuar praktikat me te pranueshme per qeverine dhe per konsumatorin shqiptar. Sipas Berishes, ky privatizim mund te quhet i suksesshem edhe per faktin se kjo kompani ka pasur nje borxh prej 17 milion lekesh qe do te shlyhet tashme nga pronari i ri qe e ka marr. "Veshtiresite e ketij privatizimi kane qene humbjet konstante qe, per fat te keq, duhet ta pranojme se kane qene dyfishi i humbjeve te energjise te korporates se energjise ne Maqedoni. Borxhi prej 17 miliard leke, qe kjo kompani ka kredi te marra, do te paguhet nga pronari i ri", deklaroi Berisha ne fjalen e tij. Sipas Berishes, nje tjeter rezultat i ketij privatizimi i pare si sukses eshte edhe fakti qe OSSH u shit me mbidyfishin e vleres se aseteve te saj, te perllogaritura nga kompania nderkombetare e vleresimit KPMG. Berisha u shpreh per kompanine ceke e cila sipas tij, e kishte privatizuar OSSH-ne me nje vlere prej 102 milion eurosh. "Fituesi i kesaj gare, te pergatitur me kujdes nga Korporata Financiare Nderkombetare, apo dega tregtare e Bankes Boterore prej me se nje viti e gjysme pune, rezulton te jete kompania ceke "Chez", me tradite, eksperience dhe me financa shume te fuqishme. Interes treguan nje seri kompanish, por garen e fiton kompania ceke me 102 milion euro", deklaroi ai. Kryeministri Berisha shpjegoi se bazuar ne vleresimin e KPMG-se dhe qe eshte i vetmi vleresim qe konkurrenca nderkombetare merr parasysh, kompania ceke ka ofruar mbi dyfishin e kesaj vlere. Kryeministri shpjegoi ne fjalen e tij se sipermarrja e shperndarjes se energjise elektrike perfshin kabinat dhe nenkabinat, sportelet e pagesave dhe nenstacionet e vogla, ndersa nenstacionet e medha e te mesem dhe linjat e transmetimit mbeten publike. Sipas Berishes, i nisur vite e vite me pare, per qeverite e meparshme privatizimi i KESH-it u be si vega e Penelopes, ndersa kjo qeveri vendosi e realizoi nje privatizim plotesisht te suksesshem. Ne mbyllje te fjales se tij per kete privatizim, kryeministri deklaroi se privatizimi tjeter do te jete INSIG-u, pas te cilit, Shqiperia mund te shpallet si shteti me privat i ketij kontinenti.

Fatjona Mejdini