Jolie planifikon operim plastik

Aktorja Angelina Jolie ka pohuar para mediave se planifikon të bëjë ndërhyrje kirurgjikale në një të ardhme të afërt.

Burime të revistës “National Enquirer,” bëjnë të ditur se Jolie, e cila është duke rritur gjashtë fëmijë me të dashurin e saj Brad Pitt, preferon të duket gjithmonë bukur edhe në vitet e mëvonshme dhe se për një gjë të tillë do t’i duhet t’i vizitojë kirurgët.

“Po, unë do ta bëj këtë dhe nuk kam frikë që të hy nën briskun e kirurgut. Tashmë vitet po kalojnë dhe ne po humbim shkëlqimin që kishim, por nuk dua ta teproj me këtë”, ka thënë Jolie, e cila duket se ka vendosur si prioritet kryesor pamjen e saj të bukur.