Juridiku ne kaos, shtyrje afati per part-time
Dhjetera kandidate jane mbledhur dje ne mjediset e Fakultetit te Drejtesise per te protestuar per te drejten e tyre dhe per te kerkuar nje shans te dyte studimesh, ne kete fakultet. Keshtu, firmosen dje ankesa, me ane te se cilave kerkuan shtyrje te afatit te regjistrimeve, ne menyre qe ata te mund te aplikojne serish. Protestuesit i perkasin kategorise se aplikanteve per drejtesi ne part-time qe kane qene te regjistruar ne fazen e pare, porse nuk kane arritur qe te shpallen fitues. Ne momentin kur doli udhezimi i dyte per regjistrime ne part-time, kjo kategori kandidatesh nuk ishte e informuar se duhet te paraqiteshin per t'u regjistruar serish. Nderkohe, ketyre studenteve, dokumentet i kane ngelur ne sekretarite e ketij fakulteti, dokumente te cilat nuk jane marre parasysh nga dekanati. Pas daljes se udhezimit per shtesa ne Juridik, studentet ne fjale kane menduar se ishin tashme ne listen e kandidateve. Duke qene se ata jane "djegur" tashme, kerkojne nje shans qe te mund te aplikojne serish per t'u bere pjese studimeve ne sistemin me kohe te pjesshme, ne Fakultetin e Drejtesise. Sipas burimeve nga Ministria e Arsimit, edhe shtesat qe do te behen me 23 janar, do te jene te vlefshme vetem per ata qe jane regjistruar per here te dyte. Ne kete menyre, studentet e "djegur" qe aplikuan per here te pare dhe nuk fituan, dhe nuk munden te aplikohen ne raundin e dyte, kerkojne nje mundesi tjeter. Keshtu, ata kane kerkuar qe te shtyhet afati i regjistrimeve, dhe te miratohet ndonje udhezim apo urdher i posacem per ta qe te mos e humbasin te drejten per te filluar studimet e larta ne Drejtesi per part-time, duke qene se edhe mesataret i kane te larta. Regjistrimi i kandidateve ne programet e studimit me kohe te pjesshme ku jane shpallur fitues te kryhet ne datat 10, 11, 12, 13 janar 2009, prej ores 08.00 deri ne oren 16.00, prane sekretarive mesimore te njesive kryesore te Institucioneve Publike te Arsimit te Larte. Pas mbylljes se ketij procesi regjistrimi dhe plotesimit te deklaratave individuale nga te gjithe te regjistruarit, kuotat e parealizuara plotesohen nga Institucionet e Arsimit te Larte ne datat 21, 22, 23 janar 2009 duke respektuar renditjen e shpallur te kandidateve sipas pikes 10 te ketij Udhezimi.