Studentet "ngrijne" ne auditore

Dimri nuk ka kaluar pa lene gjurme edhe tek studentet. Ditet e para te vitit 2009, ata kane perjetuar mjaft veshtiresi ne frekuentimin e leksioneve dhe seminareve. Sikurse mesohet, me problematike gjendja paraqitet ne mjediset ku aktualisht zhvillojne procesin mesimor studentet e Fakultetit te Drejtesise, por nuk ngelen prapa edhe studente te fakulteteve te tjera. Me "pisk", punen e kane studentet qe studiojne ne fakultetin e Drejtesise, ku per shkak te rrezikut te shembjes, ata mesojne tashme ne disa salla te ftohta ne kinoklubin e Qytetit Studenti. Gjithashtu, e rende paraqitet gjendja edhe ne auditoret e tjera, ku studentet jane ankuar se mesojne me xhupa veshur dhe nuk guxojne t'i nxjerrin duart nga xhepat. Keshtu, studente qe filluan te shtunen vitin akademik ne sistemin me kohe te pjesshme, u ankuan se nuk perqendroheshin sic duhej ne mesim. Per kete arsye, ata nuk kane ngurruar qe te hyjne e te dalin ne klase, ne menyre qe te ngroheshin disi, duke mos qendruar per nje ore rresht ne te njejtin vend, pa levizur. Megjithate, kjo nuk eshte zgjidhje. Sipas studenteve, zgjidhja eshte vendosja e sistemit te ngrohjes ne auditore, ne menyre qe ata te perqendrohen teresisht ne procesin mesimor. Kreu i Qeverise Studentore, Qamil Dika, shprehet se gjendja eshte rregulluar ne krahasim me vitet e tjera, kur nuk kishte sistem ngrohjeje. "Ne pergjithesisht, ne fakultetet qe jane rikonstruktuar, jane vendosur kondicionere apo sistem ngrohjeje", thote Dika, duke mos lene menjane edhe problemet qe jane me ngrohjen ne fakultete te tjera qe ende nuk i jane nenshtruar rikonstruksionit. "Kemi kryer nje sere inspektimesh ne Universitetin e Tiranes, Te Elbasanit, te Durresit, ne Universitetin e Vlores dhe ne ate te Shkodres, Nuk mund te themi qe problemet jane zhdukur, megjithate, ne krahasim me vitet e tjera ka permiresim", thote kreu i Qeverise Studentore. Megjithate, ka ende auditore ku studentet mesojne ndersa kercellojne dhembet nga i ftohti.