Juventus planifikon të harxhojë 100 milionë gjatë verës

Juventusi raportohet se ka bërë gati 100 milionë euro për t`i harxhuar në transferime të reja në afatin kalimtar të verës.

Me stadiumin e ri tashmë të kompletuar, Juventusi synon t`i drejtojë fondet e tyre në rindërtimin e ekipit.

Në repartin mbrojtës përforcimi i parë duhet të jetë lojtari i Hoffenheim, Andreas Beck, i cili sipas Tuttosport vlen afro 7 milionë euro. Nëse shiten Marco Motta dhe Zdenek Grygera, kjo do të hapte rrugën për transferimin e mbrojtësit të Chelseat, Paulo Ferreira për katër milionë euro.

Në repartin sulmues, Karim Benzema i Real Madridit është një opsion, veçanërisht pasi këtë ia ka propozuar klubit legjenda Biankonere, Zinedine Zidane.

Në majë të listës së dëshirave mbetet Sergio Aguero, sulmuesi argjentinas i Atletico Madrid dhe dhëndri i Diego Armando Maradona.