KE: Reformat ne gjyqesor, me konsensus politik

Shefi i Delegacionit te Bashkimit Evropian ne Shqiperi, Ambasadori Helmut Lohan kerkoi po dje, pas debateve te forcave politike ne Kuvend, konsensus te gjere politik per realizimin e reformave te rendesishme ne vend. “Strategjite per reformat ne sistemin e drejtesise duhet te synojne transparencen. Nje gjyqesor i tille kerkon konsensus te gjere politik”, deklaroi Lohan. Gjate ceremonise se mbylljes se projektit te Bashkimit Evropian me vlere prej 4.5 milione eurosh per sistemin e drejtesise, Lohan, ne prani dhe te Ministrit te Drejtesise, Bujar Nishani, i terhoqi vemendjen politikes per konsensus politik ne realizimin e reformes ne drejtesi. “Reformimi i sistemit te drejtesise, nuk mund te arrihet me vendime te rastesishme apo te copezuara. Shteti i se drejtes duhet te buroje nga nje vizion i plote dhe strategji gjitheperfshirese drejt synimeve te transparences, pergjegjshmerise dhe eficences”, tha Lohan. Ai nenvizoi se nje vizion i tille i gjyqesorit mund te arrihet vetem nepermjet nje konsensusi te gjere politik, dhe se keto sfida duhet te adresohen sa me shpejt. Duke vene ne pah anet praktike te reformimit te gjyqesorit, Ambasadori Lohan rikujtoi se shteti i se drejtes vihet ne jete nga njerezit, aftesite profesionale, vullneti dhe integriteti i te cileve jane thelbesore per suksesin e reformes se gjyqesorit. 4.5 milione euro te BE-se u dhane ne ndihme te reformes se sistemit te drejtesise ne Shqiperi. Ne fund te 30 muajve te zbatimit te tij, gjate se cileve 9 eksperte nga vendet anetare te BE-se dhe 2 eksperte shqiptare kane punuar me Ministrine e Drejtesise dhe organe te tjera te gjyqesorit ne Shqiperi, EURALIUS II le pas nje pasqyre te mire arritjesh drejt nje gjyqesori transparent, te pergjegjshem dhe eficent ne Shqiperi.