KE mohon vjedhjet ne Kosove

Komisioni Evropian ka hedhur dje poshte, pohimet e gazetes gjermane "Die Uelt" se parate e taksapaguesve evropiane jane keqperdorur ne Kosove. Por, OLAF konfirmon se gjate hetimeve, ne Kosove jane gjetur parregullsi e keqperdorime te fondeve ne ndermarrjet publike. UNMIK-u, qe ka kerkuar kryerjen e hetimeve nga zyrtare te BE-se, OKB-se dhe policise italiane, nuk komenton raportet ne fjale. Gazeta gjermane ka vene ne pah, dy dite me pare keqmenaxhimet ne sektorin energjetik, ne te cilin BE-ja, qe prej vitit 1999 ka investuar fonde ne vlere prej 400 milione eurosh. Fjolla Ceku, zyrtare per informim ne Zyren Nderlidhese te Komisionit Evropian ne Kosove, ka deklaruar dje se Komisioni nuk eshte ne dijeni per keto raporte, apo per permbajtjen e tyre. "Shuma prej 400 milione eurosh e permendur ne artikull, eshte shuma totale e akorduar nga Bashkimi Evropian per sektorin energjetik ne Kosove, per periudhen 1999-2006. Ky financim ka qene subjekt i auditimeve te rregullta dhe te pavarura. Komisioni nuk eshte ne dijeni te asnje mashtrimi apo keqmenaxhimi te ketij financimi. Ngjashem, Komisioni nuk eshte ne dijeni te asnje keqmenaxhimi te fondeve te BE-se ne Aeroportin e Prishtines", thote Ceku. Por, vete Zyra Evropiane kunder Mashtrimeve, OLAF, konfirmon se jane gjetur parregullsi gjate hetimeve te kryera ne ndermarrjet publike ne Kosove, por nuk jep detaje te ketyre keqperdorimeve. Nje nga zyrtaret per informim ne OLAF, Jorg Uojahn, konfirmoi per Radion Evropa e Lire se edhe ne sektorin energjetik, edhe ne Aeroport, jane gjetur parregullsi. "Nuk eshte fshehtesi se ka pasur raste dhe disa raste i jane derguar drejtesise per hetime te metejme. Kjo nuk eshte fshehtesi", thote Uojahn, i cili megjithate nuk sakteson nese raporti te cilit i referohet "Die Uelt", eshte i vertete. Sipas tij, OLAF ka qene pjese e nje task-force hetuese nderkombetare, e cila ka punuar ne shume raste ne Kosove, kryesisht ne ndermarrjet publike, dhe gjetjen e raportit te supozuara nga "Die Uelt", nuk e komentojne.